كورتیەك لسەر دامەزراندنا رێڤەبەریا گومركا دهوك

      جێگیریا گومركا دهوك بەری سەرهلدانا سالا 1991 ل پارێزگەهـ هاتبو دامەزراندن و چالاكیێن وێ‌ دسنوردار كری بون وبتنێ‌ دویف چوونا رەڤاندنێ‌ دكر  و ب سەر دەستەیا گومركێن عیراقێ‌ ڤە بو ؛ وپشتی سەرهلدانێ‌ ئەف فەرمانگەهە ل 1/10/1991 دیسان هاتە ڤەكرن ودەست بكاربو و ب هەمان ناڤ لێ‌ سەر ب رێڤەبەریا گومركا ئیبراهیم خەلیل ڤە وكارێ‌ وێ‌ سەرپەرشتیاخالا گومركائالوكابو .
ول دەسپێكا سالا 1993 ول دویف بریارا وەزارەتا دارایی وئابوری , جێگریا گومركا دهوكێ‌ بویە رێڤەبەریا گومركا دهوكێ‌ وسەر ب وەزارەتا ناڤبری ڤە .
وزێدە باری خالا گومركا ئالوكا ( شەش ) خالێن دیتر هاتنە ڤەكرن ل دەروازێن سنورێ‌ كارگێریا پارێزگەها دهوكێ‌ دگەل پارێزگەهێن دیتر یێن عیراقی ژبۆ چاڤدێری وسەرپەرشتی كرنا بزاڤێن بازرگانی وكارێن گومركی،  ول ڤان دەڤەرا هاتبونــــــــە ڤەكرن :-
 (دەڤەرا خراب دێمی – دەڤەرا خانكێ‌ – دەڤەرا باعەدرێ‌ - دەڤەرا ئەتروش - دەڤەرا بێسرێ‌ – دەڤەرا بالندا ) بتنێ‌ خالا دەوازێ‌ بالندا بۆ چاڤدێریا بازرگانیێ‌ بۆ سنورێ‌ تركیا بو .
وپشتی ژناڤ چوونا رژێما بەعس ل سالا (2003) ئەف خالە هاتنە هەلوەشاندن، لێ‌ خالا ئالوكا دووبارە هاتە ڤەكرن ژبەر بارێ‌ ئالوز یێ‌ ئاسایشا پارێزگەهێن عیراقی وكارێن تیرورێ‌ ولاوازیا كونترول كرنا سنورێن عیراقێ‌ .
وپشتی هەلوەشاندنا رێڤەبەریا گومركا ئاكرێ‌ ل سالا(2014) خالا گومركا مەندان دگەل هژمارەكا فەرمانبەران هاتنە ڤەگوهاستن بو سەر میلاكێ‌ رێڤەبەریا گومركا دهوكێ‌.
رێڤەبەریا گومركا دهوك هەر ژ دەسپێكا دامەزراندنێ‌ تا ئەفرو یا كارا وكاریگەر بویە بۆ پاراستنا ساخلەمی و بەرژەوەندیێن هاولاتیان وگەنجینا هەرێمێ‌ وچەندێن قوناغێن پێشكەفتنێ‌ بخوڤە دیتینە دبوارێ‌ بكارئینانا تەكنەلوجیا یێ‌ دا بو ئاسان كرنا كارێن گومركی وشیایە جهێ‌ خو دناڤــ فەرمانگەهێن پیشكەنگ یێن پارێزگەها دهوكێ‌ دا بكەت و پەیوەندیێن باش دگەل هەمی رێڤەبەریێن دیتر یێن هەڤپشك دگەل كارێن گومركی دروست بكەت , وتانها بەردەوام بزاڤێن پێشكەفتنێ‌ و گەشەپێدانێ‌ دبوارێن كارێن خودا دكەت .

(بناڤێ‌ خودایێ‌ مازن ودلوڤان)

رێڤەبەریا گومركا دهوك هەر دەم بزاڤێ‌ دكەتن خزمەتەكا باش و رێك وپێك پێش كێش بكەتن بو سەرەدانكەرێن خو ب رێكا سەرەدەریەكا باش وە كوالێتیەكا زور باش و ل بەرچاڤــ وەرگرتنا دەمێ‌ گونجایی بو ب رێڤەبەرنا مامەلێ‌ وە كێم كرنا خەرجەمەنیا ل سەر ملێن سەرەدانكەری، وە  هەروەسا بەرهەڤــ كرنا ژینگەهاكا گونجایی بو كاری ژئامادەكرنا فەرمانبەرێت شارەزا، وە پێداویستی وكەل وپەلێن پێدڤی وە بەردەوام كاردكەتن كە ب پلان كاری بكەتن وە هەر ژ سالا 2013 وەرە بو هەر سالەكێ‌ پلانەك هاتیە دانان وە هەتا سالا 2018 (6) پلان هاتینە دانان وە بو هەر سالەكێ‌ برێكا لیژنەكێ‌ هاتیە رێكخستن وە بزاڤــ هاتیەكرن بارا پتر ژ فەرمانبەران بەشدار بن د دانانا پلانێ‌ دا وە كریارا سوات هاتیە كرن بو زانینا خالێن (هێزێ‌ و لاوازیێ‌ ودەرفەت و گەڤـــ ومەترسیان ) هاتینە دەست نیشان كرن وە برێكا ئارمانجێن رون و دیار كار دهێتە كرن بو مفا وەرگرتن ژ خالێن هێزێ‌ و دەرفەتا وە چارەسەركرنا خالێن لاواز وە خو ئامادەكرن بو هەر روی ب روی بونەكێ‌.
     بو پلانا سالا 2019 مە كاركر كە پتر لاینێ‌ زانستی ب هێز بێخین دپلانا خودا وە كریارا سوات هاتە كرن برێكا دابەش كرنا فورما ل سەر فەرمانبەران وە ل سەر سەرەدانكەران بو زانینا پیڤەرەكێ‌ ژمارەیی وە هەروەسا فورم ل سەر بەرپرسێن گومركی هاتیە بەلاڤــ كرن بو زانینا رێكا دورست یا دەست نیشانكرنا دیتن وپەیام وئارمانجا وەكە فورم ل دیڤ پیڤەرێن زانستی وە ب رەنگەكێ‌ ئازادانە كار ل سەر هاتیە كرن ژ بو دیتنەكا گشتگیر پەیدابیت ل سەر بارێ‌ رێڤەبەریێ‌ ب هاریكاریاری ل گەل سەنتەرێ‌ زانكویا دهوك كولیژا كارگێری و ئابوری وە كەسایەتی دكتور حكمت سلگات شنگالی پسپورێ‌ تایبەت مەندێ‌ كارگێری و ئابوری بو مفا وەرگرتن ژ شارەزایا ئەكادیمی یا جەنابێ‌ وی و سەنتەرێ‌ وان وە هیڤیدارام پلانا سالا2019 پلانەكا زانستی وە یا پراكتیكی بیت بشێت بارێ‌ رێڤەبەریا گومركا دهوك ب ڤەگوهوزێت بو بارەكێ‌ باشتر.
ل دوماهیێ‌ زور سوپاس بو (د.حكمت سلگان) بو كارێ‌ وی یێ‌ دلسوزانە و خو بەخشانە ل گەل مە وە زور سوپاس بو بەشێ‌ پلانێ‌ و هەمی فەرمانبەر و سەرەدانكەران بو هاریكاریا وان ل گەل ستاڤێ‌ پلانێ‌ .
       ژخودایێ‌ مازن دخازین هاریكار وپشتەڤان بیت بو خزمەت كرنا باشتر بو گەل و وەلاتێ‌ مە.

                                                                                                           
                                                                                                   عزت فتاح عثمان

ئاگەهداری

رێڤەبەریا گومركا دهوكێ‌ ئاگەهداریا سەرجەم خودانێن ترومبێلێن بێ‌ بەلگەنامە یێن دەستەسەركری ل رێڤەبەریا گومركا دهوكێ‌ دكەتن

ئاگەهداری

لیژنا فروتنا كەل و پەلا ل رێڤەبەریا گومركا دهوكێ‌ رادگەهینیت كو دێ‌ رابیت ب فروتنا (2) دوو‌ ترومبێلێن جوراوجور برێكا سەرئێك زێدەكرنا ئاشكرا ل كوجكا رێڤەبەریێ‌ ل رووژا دوو شەمبی رێكەفتی (29/4/2019) ل دەمژمێر (10:00) سپێدێ‌ و لدیف بریارا بو هاتیە دەست نیشانكرن ژلایێ‌ لیژنا بهادانانێ.

ئاگەهداری

لیژنا فروتنا كەل و پەلا ل رێڤەبەریا گومركا دهوكێ‌ رادگەهینیت كو دێ‌ رابیت ب فروتنا (3) سێ‌ ترومبێلێن جوراوجور برێكا سەرئێك زێدەكرنا ئاشكرا ل كوجكا رێڤەبەریێ‌ ل رووژا دوو شەمبی رێكەفتی (8/4/2019) ل دەمژمێر (10:00) سپێدێ‌ و لدیف بریارا بو هاتیە دەست نیشانكرن ژلایێ‌ لیژنا بهادانانێ.

كومبون

ل روژا 17/12/2018 رێكەفتی هەلكەفتا  روژا ئالایێ‌ كوردستانێ‌، كومبونا وەرزێ‌ چارێ‌ یا رێڤەبەری دگەل ستافێ‌ سەرپەرشتیا كارێ‌ رێڤەبەریێ‌ هاتەبەستن ژ بو گەنگەشەكرنا پێشهاتێن نوی و جارەسەركرنا ئاریشە و كێماسیێن كاری لدویف راپورتێن هاتینە بەرهەڤ كرن ژلایێ‌ لیژنا سەرپەرشتیا كارێ‌ رێڤەبەریێ‌.

راكرنا سزایێ‌ دەفتەرا رێدانا ترومبێلا

ئاماژە ب نڤێسارا گشتی گومرك یا ژمارە (19286) ل (2/12/2018) ل دور راكرنا سزایێن دەفتەرا رێدانا ترومبێلا، كو هەردوو برگێن (ز،ر) ژ رێنمایێن گومركی یا ژمارە (6) ل بەشێ‌ (5) ژ زنجیرە (23) خالا (8) هەنە هاتنە هەلوەشاندن وەك ل خارێ‌ هاتینە دیاركرن :

ژناڤبرن و ڤەگەراندن

رێڤەبەریا گومركا دهوك هەڤكاریا دام و دەزگەهێن هەڤپشك دكاری دا ب ئەركێ‌ خو دزانیت و رێڤەبەریا ساخلەمیێ‌ ژی ئێكە ژوان كەرتان یێن گومركی كار بودكەت و هەمی كەرەستێن خارنێ‌ و دەرمان و كەل وپەلێن دیتر یێن ساخلەمیێ‌

كومبون

بو دانانا پلانا كارێ‌ رێڤەبەریێ‌ یاسالا داهاتی و مفا وەرگرتن ژ شارەزایی و زانستێ‌ تایبەتمەندێن ڤی كاری و ب ئامادەبوونا رێزدار (عزت فتاح) رێڤەبەرێ‌ گومركا دهوك.