رێنمايێن رێكخستنا دەفتەرا رێدانا گەریانا ترومبێلا
بەلگەنامێن پێدڤی
-1پێدڤيە خودانێ ترومبێلێ يان شوفێرێ ترومبێلێ مولەتا نيفدەولەتى يا هاژوتنا ترومبێلێ هەبيت.
2-ئامادەكرنا ترومبێلئَ ژ بو ڤەدیتن لسەر بهێتە كرن.
3-سالناما ترومبێلێ یا نوی كری و لسەر ناڤێ خودانی بیت.
4-خودانێ ترومبێلێ يان شوفێرى ترومبێلێ ناسناما كەسایەتی ، یان یا بارێ شارستانی ، یان رەگەزناما عێراقی هەبيت.
5-دەستەبەريەكا پەسندكرى ژ فەرمانگەها داد نڤيسا هەرێمێ يان ژ رێڤەبەريا گومركا دهوك / بەشێ ياسا، ب بهايێ خەملانديا ترومبێلێ( ئەگەر خودانێ ترومبێلێ بيانى بيت).
6- بەلێن نامەك (سوزنامە) ژ خودانێ ترومبێلێ بهێتە وەلگرتن ل بەشێ ياسا.
7- هەبوونا بريكارنامێ بو توماركرنا ناڤێ شوفێرى (تا دوو كەسان) پشتى دانا دەستهەلاتداريێ لديف بريكارنامەكا پەسندكرى ژ داد نڤيسێ.
8- بەری ب رێڤەبرنا مامەلا رێكحستنا دەفتەرێ رێڤەبەریا مە دێ نڤێسارەكێ ئاراستەی رێڤەبەریا هاتن و چووونێ كەت بو دانانا دەستە سەریێ لسەر ترومبێلێ ژ بو گهورین د مولكیەتا ترومبێلێ دا نە هێتە كرن و بازرگانی پێ نە هێتە كرن و پێدڤی یە ئەو نڤێسارا دەستەسەریێ بهێتە ئامادەكرن.
9- دەمێ رێكخستنا دەفتەرێ بو ترومبێلێن ميرى،پێدڤيە ب ئينانا نڤيسارا ژ رێڤەبەريا گشتى يا پەيوەنديدار تێدا بهێتە دياركرن ل سەر رازيبوونا رێكخستنا دەفتەرێ و ناڤێ دەستهەلاتدارا بو هاژوتنا ترومبێلێ.
رێنمایێن رێكخستنا دەفتەرێ
1- رێكخستنا دەفتەرێ بو ماوێ ئێك سال ب بهایێ ( 80000 ) دینارێن عێراقی یە ، زێدەباری كریا پشكنینێ و خەرجیێن دیتر .
2- رێكخستنا دەفتەرێ بو ماوێ دوو سالان ب بهایێ ( 120000 ) دینارێن عێراقی یە ، زێدەباری كریا پشكنینێ و خەرجیێن دیتر .
3- رێكخستنا دەفتەرێ بو ماوێ سێ سالان ب بهایێ ( 160000 ) دینارێن عێراقی یە ، زێدەباری كریا پشكنینێ و خەرجیێن دیتر .
4- (40000)چل هزار دینار بو ئێك گەشت دماوێ (6) هەیڤا.
5.. بو هەر گەشتەكێ پشتی بدوماهیك هاتنا مێژوویا دەفتەرێ خودان دێ ب كوژمێ ( 45000 ) هزار دینارێن عێراقی دهێتە سزادان لدیف رێنمایێن گومركی.
6.لدەمێ گەشت ب ترومبێلێ بهێتەكرن بو دەرڤەی وەلاتی و دەفتەرا رێدانا ترومبێلا نەهێتە موركرن ب مورا گومركێن سنوری خودان دێ ب كوژمێ (30000) سیهـ هزار دینارێن عیراقی هێتە سزادان بو هەر گەشتەكێ..7.ئەگەر گەشتێن دەفتەرێ بدوماهیك بهێن و خودان داخاز بكەت گەشت دێ بو هێنە زێدەكرن بێ بەرامبەر.
تێبینی :. خودانێ دەفتەرێ مافێ هەی ناڤێ دوو شوفێرێن دیتر د دەفتەرێ دا تومار بكەت ب مەرجەكی خودان بریكار نامە كێ ل فەرمانگەها داد نوسیێ بو دروست بكەت
سەر پێچیێن دەفتەرا رێدانا ترومبێلا1. ماوێ دەفتەرێ ب دوماهیك هاتبیت و گەشت بێ بهێنە كرن .2. شوفێرێ ناڤێ وی د دەفتەرێ دا نە بیت و گەشتێ پێ بكەت پێدڤی یە بریكار نامە هەبیت و بەروڤاژی دێ هێتە سزادان .3. بو بەرزەبوونا دەفتەرێ خودان دێ ب كوژمێ 75000 هزار دیناران هێتە سزادان .
نوی كرنا دەفتەرا رێدانا گەريانا ترومبێلا
بەلگەنامێن پێدڤی
1- ئامادەكرنا ترومبێلێ ژ بو ڤەدیتن لسەر بهێتە كرن.
2- سالناما ترومبێلێ یا نوی كری.
3- ئامادەكرنا دەفتەرا رێدانا گەریانا ترومبێلێ. ئەگەر دەستەبەر بهێتە گهورین پێدڤی.
4- ئامادەبونا خودانێ ترومبێلێ يان بريكارێ وى پێدڤى يە بريكارنامە دگەلدابيت.
5-ئامادەكرنا مولەتا نيڤ دەولى يا هاژوتنا ترومبێلێ بو خودانێ ترومبێلێ يان شوفێرێ ترومبێلێ.
رێنمایێن نی كرنا دەقتەرێ
1.ئەگەر ماوێ دەفتەرێ بدوماهیك هات و ئەگەر سەرپێچی نەبن تەنها دێ بهایێ دەفتەرێ دێ هێتە وەرگرتن لدیف ماوێ دەفتەرێ دەستەبەر و نڤێسارا دەستەسەرریا هاتن و چوونێ پێ نە ڤێت ئەگەر خودان داخاز نەكەت .2.ئەگەر گەشتێن دەفتەرێ بدوماهیك هاتن دێ گەشت بو هێنە زێدەكرن بێ بەرامبەر و لدویف داخازا خودانی. 3.ئەگەر سەرپێجی هەبن ل دویف رێنمایان رەفتار ل گەل دا دهێتەكرن.
نويكرنا دەفتەرێ ئەگەر گهورين دسالوخەتێن ترومبێلێ دا هەبيت
بەلگەنامێت پێدڤى :
1-ئامادەكرنا ترومێلێ ژ بو ڤەديتن لسەر بهێتەكرن.
2-سالناما ترومبێلێ يا نوى كريبيت وئەو سالوخەتێن گهورين لسەر هاتينەكرن دسالنامێ دا ديارى كرى بن.
3-ئامادەكرنا دەفتەرا رێدانا گەريانا ترومبێلا.
زێدەكرنا ناڤێ شوفێری د دەفتەرا رێدانا گەریانا ترومبێلێ دا.
بەلگەنامێن پێدڤی
1-داخازەك ژ لایێ خودانێ ترومبێلێ ڤە بهێتە پێشكێش كرن بو زێدەكرنا ناڤێ شوفێری د دەفتەرێدا.
2-ئامادەكرنا دەفتەرێ .
3- ئامادەكرنا ناسناما بارێ كەسایەتی يان رەگەزناما عيراقى يان كارتا نشتيمانى يان كارتا زانياريا يان پاساپورت يان مولەتا هاژوتنا ترومبێلێ یا شوفێرێ ناڤێ وی د دەفتەرێ دا دهێتە زێدەكرن .
4- ئامادەكرنا بریكارنامەكا پەسەند كری ژ فەرمانگەها داد نوسیێ بو شوفێرێ ناڤێ وی د دەفتەرێ دا د هێتە زێدەكرن .
5-ئامادەكرنا مولەتا نيڤ دەولى يا هاژوتنا ترومبێلێ بو شوفێرێ ترومبێلێ.
رێنمایێن ناڤێ شوفێرێ لسەر دەفتەری ناڤێ شوفێری د دەفتەرێ دا دئ هێتە زێدەكرن بێ بەرامبەر و چ پارە نا هێتە وەرگرتن.
گهورینا ناڤێ شوفێری
بەلگەنامێن پێدڤی
1-داخازەك ژ لایێ خودانی ڤە بهێتە پێشكێش كرن بو گهورینا ناڤێ شەفێری.
2-ئامادەكرنا دەفتەرا رێدانا گەریانا ترومبێلا .
3-فورما پێزانينێن پرسگەهێ.
4-ئامادەكرنا بریكارنامەكا پەسەندكری ژ فەرمانگەها داد نڤيسى شوفێرێ بێگهور .
5-ناسناما (بارێ كەسایەتی یان بارێ شارستانی یان رەگەزناما عێراقی يان كارتا نشتيمانى) یا شوفێرێ بێگهور.
6-رەزامەنديا رێڤەبەرى بو گهورينا ناڤێ شوفێرى.
7-ئامادەكرنا مولەتا نيڤ دەولى يا هاژوتنا ترومبێلێ بو شوفێرى ترومبێلێ.
گهورینا ژمارە و مێژوویا سالنامێ لسەر دەفتەرێ بەلگەنامێن پێدڤی
1- داخاز نامەك بو رێڤەبەرێی بهێتە ئاراستە كرن . 2- ئامادەكرنا سالناما ترومبێلێ یا نوی كری . 3-ئامادەكرنا دەفتەرا رێدانا گەریانا ترومبێلا .
رێنمایێن گهورینا ژمارە و مێژوویا سالنامێ لسەر دەفتەرێ
* بێ بەرامبەر د هێتە ئەنجام دان .
گهورینا سالوخەتێن ترومبێلێ لسەر دەفتەرێ
1- داخازنامەك ژلایێ خودانی ڤە بو رێڤەبەریێ بهێتە پیشكێش كرن2- سالناما ترومبێلێ یا نوی كری.3-دەفتەرا رێدانا گەریانا ترومبێلێ .4-ئامادەكرنا ترومبێلێ ژ بو ڤەدیتن لسەر بهێتەكرن.
رێنمایێن گهورینا سالوخەتێن ترومبێلێ لسەر دەفتەرێ
بتنێ كریا پشكنین دێ هێتە وەركرتن زێدەباری خەرجیێن كارگێری.
هەلوەشاندنا دەفتەرا رێدانا گەریانا ترومبێلێ
بەلگەنامێن پێدڤی
1-ئامادەبونا خودانێ ترومبێلێ يان بريكارێ وى و بريكارنامە دگەلدابيت.
2-ئامادەكرنا دەفتەرا رێدانا گەريانا ترومبێلێ.
3-ئامادەكرنا ترومبێلێ ئەگەر دەفتەر بەرزەكربيت نڤيسارەك ئاراستەى رێڤەبەريێت دەروازێن سنورى دهێتەكرن ب رێكا ئيمێلى و بەلاڤكرنا بابەتێً بەرزە بونا دەفتەرێ د روژنامەكێ دا.
4-ئەگەر مورێن (الختم)دەروازێن سنورى لسەر دەفتەرێ هەبن،ئامادەبوونا ترومبێلێ پێدڤى ناكەت.
رێنمایێن هەلوەشاندنا دەفتەرێ
1- ڤەدیتن دێ لسەر ترومبێلێ هێتە كرن بو دیاركرنا پێزانینێن ترومبێلێ و بەراورد یێ دگەل سەرەتایان.2- هورنێرین كرنا دەفتەرێ و بەراورد یێ دگەل شوڤێرێن گەشت ب ترومبێلێ كرین ژبەر : أ-ئەگەر سەرپێچی هەبن سزایێ وان لدویف یاسایێ و رێنمایێن گومركی دگەل كریا پشكنینێ دێ هێتە وەرگرتن دگەل خەرجیێن كارگێری .ب-ئەگەر سەرپێچی نەبن كریا پشكنینێ دێ هێتە وەركرتن دگەل خەرجیێن كارگێری .ج-دەفتەر دێ هێتە هەلوەشاندن ، وب نڤێسار دێ ئاگەهداریا رێڤەبەریا هاتن و چوونێ هێتەكرن ژبو راكرنا دەستەسەریێ لسەر ترومبێلێ.
راستڤەكرن
بەلگەنامێن پێدڤی
1-داخازنامەك بو رێڤەبەریێ بهێتە ئاراستەكرن.2-ئەگەر سالنامە هەبیت پێدڤی یە نڤێسارا رێڤەبەریا هاتن و چوونێ دگەلدابیت.3-ئەگەر مەنافیست بیت نڤێسارا رێڤەبەریا هاتن و چوونێ پێ نەفێت.4-ئامادەكرنا ترومبێلێ ژ بو ڤەدیتن لسەر بهێتەكرن.
رێنمایێن راستڤەكرن
1-كریا پشكنینێ دێ هێتە وەرگرتن زێدەباری خەرجیێن كارگێری.2-كێماسیا باجێ گومركی دهێتە وەرگرتن بو هندەك جورێن راستڤەكرنا بو نمونە (راستڤەكرنا پستمێن ترومبێلێ ژ 4 پستما بو 6 پستما) زێدەباری كریا پشكنینێ و خەرجیێن كارگێری.
گــــهـــوریــــن
بەلگەنامێن پێدڤی
1-داخازنامەك بو رێڤەبەریێ دهێتە ئاراستەكرن.2-ئەگەر ترومبێلێ سالنامە هەبیت پێدڤی یە نڤێسارا رێڤەبەریا هاتن و چوونێ دگەلدابیت3-ئەگەر مەنافیست بیت نڤێسارا رێڤەبەریا هاتن و چوونێ پێدڤی ناكەت.4-ئامادەكرنا ترومبێلێ ژ بو ڤەدیتن لسەر بهێتەكرن.
رێنمایێن گهورینێ
1.كریا پشكنینێ دهێتە وەرگرتن زێدەباری خەرجیێن كارگێری.2. ئەگەر گهورین ل لسەر ترومبێلێ هاتەكرن بو نمونە (رەنگێ ترومبێلێ ، گێرێ ترومبێلێ ژ عادێ بو ئوتوماتیك و بەروڤاژی ،جور و مودیل ئەگەر زێدەكرن و كێم كرن دسالوخەتێن ترومبێلێ دا نەهێنەكرن ، سوتەمەنی و بستم) سزایێ گومركی دێ هێتە وەرگرتن لدویف رێنمایان.3.باجێ گومركی دێ هێتە وەرگرتن بو هەر زێدەكرنەكێ لسەر ترومبێلێ ئەگەر مەنافێست نەبیت .
گهورینا سالوخەتێن ترومبێلێ
بەلگەنامێن پێدڤی
1- نڤێسارا رێڤەبەریا هاتن و چوونێ.2- ئامادەكرنا ترومبێلێ.3- سالناما ترومبێلێ و ئەگەر ترومبێل یا توماركری نەبیت پێدڤی یە مەنافیست هەبیت.
رێنمایێن گورانكاریێن لسەر ترومبێلێ دهێنە كرن
1- ئەگەر ترومبێلێ سالنامە هەبیت یان مەنافێست هەبیت ، پێدڤی یە نڤێسارا رێڤەبەریا هاتن وچوونێ دگەل دابیت بو دیاركرنا جورێ گورانكاریێ.2- ڤەدیتن دێ لسەر ترومبێلێ هێنەكرن ژ بو دیاركرنا :ا- ئەو گورانكاریا لسەر ترومبێلێ هاتیەكرن، ئەگەر كارێ خومالی بیت بو نمونە (بودی – تانكەر – قەلاب )و بەلگەنامێن ئاسنگەریێ هەبن (باجێ گومركی ×5% ×2% ) دێ هێتە وەرگرتن.ب- ئەو گورانكاری ئەگەر كارێ بیانی بیت پێدڤی یە مەنافیست هەبیت و بتنێ كریا پشكنینێ دێ هێتە وەرگرتن و ئەگەر نە ، بو هەر گورانكاریەكێ دێ باجێ گومركی هێتە وەرگرتن و دێ سوزەكێ ل بەشێ یاسایێ واژوكەت.ج- بو گهورینا رەنگێ ترومبێلێ یان عەرەبانێ دێ سزایێ گومركی هێتە وەرگرتن دگەل كریا پشكنینێ. وەرگرتنا باجێ گومركی – دانپێدان ( راگەهاندنا گومركی )
بەلگەنامێن پێدڤی
1- داخازنامەك دهێتە ئاراستەكرن بو رێڤەبەریێ بو وەرگرتنا رەزامەندیێ بو رێڤەبرنا مامەلێ.2- پێشكێش كرنا راگەهاندنا گومركی و جور و چەندی و ساخلەتێن كەرەستەی تێدا بهێنە دیاركرن ئەگەر پێدڤی بیت.3- بەرهەف كرنا كەرەستەی ژ بو ڤەدیتن لسەر بهێتە كر.4- ئەگەر كەرەستە پێدڤی ب كونترولا جوری بیت پێدڤی یە رەزامەندیا رێڤەبەریا كونترولا جوری دگەل دابیت.5- مولەتا هنارتنێ ئەگەر پێدڤی بیت.
رێنمایێن وەرگرتنا باجێ گومركی – دانپێدن (راگەهاندنا گومركی)
1- باجێ گومركی دهێتە وەگرتن لدویف رێنما و پێناسا گومركی زێدەباری كریا پشكنینێ و خەرجیێن كارگێری.2- ئەگەر كارێ خومالی بیت باجێ گومركی ب رێژە یا 1% دێ هێتە وەرگرتن بو ژ دەرڤەی هەرێمێ، زێدەباری كریا پشگنینێ و خەرجیێن كارگێری .3- ئەگەر كەرەستەیێ بیانی بیت و سەرەتا دگەل دانەبن باجێ گومركی دێ هێتە وەرگرتن لدویف پێناسا گومركی زێدەباری كریا پشكنینێ و خەرجیێن كارگێری. وەرگرتنا باجێ گومركی – داخازا پشكنینێ
بەلگەنامێن پێدڤی
1- ئاراستەكرنا داخازنامەكێ بو وەرگرتنا رەزامەندیا رێڤەبەری بو ب رێڤەبرنا مامەلێ.2- بەرهەف كرنا كەرەستەی ژ بو پشكنین لسەر بهێتەكرن ژلایێ لژنا پشكنینێ ڤە.
رێنمایێن وەرگرتنا باجێ گومركی – داخازا پشكنینێ
لدویف كونوسێ لیژنا پشكنینێ فورما راگەهاندنا گومركی دێ هێتە رێكخستن وباجێ گومركی لدویف رێنما وپێناسا گومركی دێ هێتە وەرگرتن زێدەباری كریا پشكنینێ و خەرجیێن كارگێری .
وەرگرتنا باجێ گومركی – شینمایی (رصید)
بەلگەنامێن پێدڤی
1- ئامادەكرنا دەستویریا هنارتنێ و چەندیا كەرەستێ دهێتە هنارتن تێدا یێ دیاركری بیت وەك (شینما).2- داخازنامەك بهێتە ئاراستەكرن بو وەرگرتنا رەزامەندیێ بو ب رێڤەبرنا مامەلێ.3- پێشكێش كرنا راگەهاندنا گومركی و جور و چەندی و ساخلەتێن كەرەستەی تێدا بهێنە دیاركرن.
رێنمایێن وەرگرتنا باجێ گومركی – شینمایی
1- رەزامەندی دهێتە دان پشتی دلنیا بونی ژ هەبوونا شینمایێ كەرەستەی.2- ئەگەر كەرەستە یێ خومالی بیت باجێ گومركی دهێتە وەرگرتن ب رێژەیا ( 1 % ) ژ بهایێ كەرەستەی لدویف پێناسا گومركی.3- ئەگەر كەرەستە بیانی بیت و مەنافیست هەبیت بو ماوێ 90 روژا بتنێ كریا پشكنینێ دێ هێتە وەرگرتن.4-پشتی بورینا 90 روژا باجێ گومركی ب رێژەیا 1% ژبهایێ كەرەستەی لدویف پێناسا گومركی دێ دهێنە وەرگرتن.5-ئەگەر مەنافیست و سەرەتایی نەبن باجێ گومركی لدویف پێناسێ دێ هێتە وەرگرتن. دانا سزایێن گومركی ب (قست)
بەلگەنامێن پێدڤی
1-پشتی بدوماهیك هاتنا مامەلێ سزایێ گومركی دێ هێتە دیاركرن.-2داخازنامەك دهێتە ئاراستەكرن ژ بو وەرگرتنا رەزامەندیا رێڤەبەرێ گومركی لسەردانا سزایێ گومركی ب شێوەیێ قست.
رێنمایێن دانا قستا
1-سزایێ گومركی دهێتە دابەشكرن لسەر هژمارا قستێن ژلایێ رێڤەبەری ڤە دهێنە دیاركرن.2-هەیڤانە قستێن سزایێ گومركی (یێ دەفتەرا و یێ كێشێن گومركی) دێ هێتە وەرگرتن ژلایێ هوبا ژمێریاری ڤە وەك (دابین) بەرامبەر پسولەكا دابین كرنا و ئاگەهداریا هوبا یاسایی دهێتەكرن.3-ولدەمێ بدوماهیك هاتنا قستا پسولەكا ژمێریاری 37أ دهێتە رێكخستن ب سەرجەمێ قستێن هاتینە وەرگرتن و دانەك بو خودانی دهێتە دان. توماركرنا ترومبێلێن لسەرئێك زێدەكرنا ئاشكەرا هاتینە فروتن
بەلكەنامێن پێدڤی
1-رەزامەندیا فروتنا ترومبێلا.2-كونوسێ لیژنا فروتنا ترومبێلا.3-ئامادەكرنا ترومبێلێ ژ بو ڤەدیتن لسەر بهێتەكرن.4-ناسناما باری شارستانی یان كەسایەتیا كەسێ ترومبێل بو دكەڤیت.
رێنمایێن توماركرنا ترومبێلێن لسەرئێك زێدەكرنا ئاشكەرا
1-پشتی بهایێ ترومبێلێ ژلایێ لژنا بهادانانێ ڤە دهێتە دەست نیشان كرن لیژنا فروتنێ یا پێگێرە هەمی رێنمایێن فروتنێ و پێزانینێن ترومبێلێ بو پشكداران رون بكەت.2-گوژمێ (5000) پێنچ هزار دینار دهێنە وەرگرتن بو پشكداریا هەر كەسەكی د سەرئێك زێدەكرنێ دا ونا هێنە ڤەگەراندن.3-رێژەیا 2% ژ بهایێ ترومبێل بێ هاتیە فروتن د سەرئێك زێدەكرنێ دا وەك پاداشت دهێتە وەرگرتن بو لیژنا فروتنێ وبها دانانێ.4-كریا ئاگەهداریێ لسەر وی كەسی یە یێ لسەرئێك زێدەكرنا ئاشكەرا بو دكەڤیت.5-پشتی ترومبێل دهێتە فروتن رێژەیا 20% ژبهایێ ترومبێلێ وەك دابین دهێتە وەرگرتن تا بدوماهیك هاتنا ماوێ یاسایی كە دبیتە (7) روژ ، و بو رێڤەبەریێ هەیە د ڤی ماوێ یاسایی دا ترومبێلێ بدەتە هەركەسێ بهایەكێ زێدەتربێ بدەت.6-پشتی بورینا (7) روژا كوژمێ مایی ژبهایێ ترومبێلێ كە دبیتە 80% دێ هێتە وەرگرتن ل هوبا ژمێریاری بەرامبەر پسولەكا ژمێریاری یا (37أ).7-كەسێ لسەرئێك زێدەكرن بو دكەڤیت دێ سزایێ گومركی یێ وان كێشێن لسەر ترومبێلێ دەت ئەگەر هەبن .8-سەرەتایێن ترومبێلا هاتیە فروتن ب نڤێسار دێ بو رێڤەبەریا هاتن و چوونێ هێنە رەوانەكرن .
گیروبوون و بەرزەبوونا نڤێساری
بەلگەنامێن پێدڤی
1-داخازنامەك بهێتە ئاراستەكرن بو رێڤەبەریێ.2-ئامادەكرنا ترومبێلێ ئەگەر گیروبوون ژ (7) روژان زێدەتربیت و ئەگەر ژ (7) روژان كێمتربیت ئامادەبوونا ترومبێلێ پێدڤی ناكەت.3- سەرەتایی مامەلێ.
رێنمایێن گیروبوونێ و بەرزەبونێ
1-لدویف رێنمایێن گومركی كوژمێ (10000) دەهزار دینار دهێنە وەرگرتن وەك سزایێ بەرزەبونێ و گیروبوونا نڤیساری زێدەباری خەرجیێن كارگێری.2-ئەگەر گیروبون ژ 7 روژان زێدەتر بیت دێ ڤەدیتن لسەر ترومبێلێ هێتە كرن و دێ كریا پشكنینێ و خەرجیێن كارگێری هێنە وەرگرتن .
كولانا ژمارا شاسی (پنتە)
بەلگەنامێن پێدڤی
1-ئامادەكرنا ترومبێلێ.2-نڤیسارا رێڤەبەریا هاتن و چوونێ.
رێنمایێن كولانا ژمارا شاسیێ ترومبێلێ
1-بو كولانا ژمارا شاسیێ هەر ترومبێلەكێ پێدڤی یە ترومبێل ب نڤیسارا رێڤەبەریا هاتن و چوونێ بو رێڤەبەریا مە بهێتە رەوانەكرن.2-ڤەدیتن دێ لسەر ترومبێلێ هێتەكرن ، و ئەگەر ژمارا شاسی یێ دیارنەبیت و نەهێتە ڤەخاندن دێ بو هوبا یاسایی هێتە رەوانەكرن ژ بو ڤەكولێن لگەل خودانی بهێتەكرن، و سزایێ گومركی دگەل كریا پشكنینێ لدویف رێنمایان دی هێتە وەرگرتن و ژمارەكا گومركێن هەرێمێ دگەل دروشمێ رێڤەبەریا گومركا دهوكێ دێ بو هێتە كولان و ئەگەر دەستكاری تێدا هاتبیتە كرن دێ بیتە كێشەكا گومركی وب هەمان رێك دێ هێتە ب رێڤەبرن.3-ئەگەر شاسی چاپێ كومپانیێ بیت پشتی ڤەدیتنێ بتنێ سزایێ گومركی و كریا پشكنینێ دێ هێتە وەرگرتن و ژمارەكا گومركێن هەرێمێ دگەل دروشمێ رێڤەبەریا گومركا دهوكێ دێ بو هێتە كولان.4-ئەگەر عەرەبانە كارێ خومالی بیت دێ هێتە رەوانەكرن بو هوبا یاسایی دا كو راسپاردە بهێتە وەرگرتن و باجێ گومركی بو عەرەبانێ و سزایێ گومركی بو كولانا ژمارا عەرەبانێ دگەل كریا پشكنینێ بهێتە وەرگرتن و ژمارەكا گومركێن هەرێمێ دگەل دروشمێ گومركا دهوك بو بهێتە كولان.5-ژمارا گومركێن هەرێمێ دهێتە كولان بو ترومبێلێن سالون و یێن بارهەلگر و یێن بەرهەمهێنەر وەك (شەڤەل- بلدوزەر – حەڤارە ..... هتد).
تێبینێ : باجێ گومركی و سزایێ كولانا ژمارا شاسی دگەل كریا پشكنینێ ل كوچكا رێڤەبەریێ دهێنە وەرگرتن و ژمارەك بو دهێتە تەرخانكرن و ب نڤیسارەكا فەرمی دهێنە رەوانەكرن بو لیژنا پنتێ بو ئەنجام دانا كارێ پێدڤی و ب نڤیسار بو رێڤەبەریا هاتن و چوونێ هێنە رەوانەكرن.
توماركرنا ترومبێلا
بەلگەنامێن پێدڤی
1-ئامادەكرنا مەنافێستێ.2-ئامادەكرنا ترومبێلێ.3-بریكارنامە ئەگەر پێدڤی بیت.4-رەگەزناما عێراقی یا خودانێ ترومبێلێ.
رێنمایێن توماركرنا ترومبێلا
1-ترومبێلێن بەری مێژوویا 1/5/2010 د رێكا گومركێن هەرێمێ را هاتین ل رێڤەبەریا گومركا دهوك دهێنە توماركرن و پشتی ڤێ بەروارێ ل گومركێن سنوری راستەوخو نڤیسارا توماركرنێ دهێتەدان بو رێڤەبەریا هاتن و چوونێ.2-كریا پشكنینێ دهێتە وەرگرتن و زێدەباری خەرجیێن كارگێری.
توماركرنا ترومبێلێن ژمارە بیانی ب بەلگەنامە (سالون-بارهەلگر)
بەلگەنامێن پێدڤی
1-داخازنامەك بو رێڤەبەریێ دهێتە پێشكێش كرن ژ بو وەرگرتنا رەزامەندیا ب رێڤەبرنا مامەلا توماركرنێ.2-ئامادەكرنا مەنافیستێ.3-ئامادەكرنا ترومبێلێ ژ بو ڤەدیتن و توماركرن سالوخەتێن دروست.4-ئامادەكرنا ناسناما كەسایەتی و پێدڤی یە خو جهێ پارێزگەها دهوكێ بیت.5-ترومبێل ل سەر ناڤێ خودانێ مامەلێ هێنە توماركرن.-6ئەگەر ل سەرناڤێ كەسەكێ دیتر بهیتە توماركرن دڤێت رەزامەندیێن پێدڤی هەبن.
رێنمایێن توماركرنا ترومبێلێن بیانی ب بەلگەنامە .
1-خودانێ ترومبێلێ دێ سوزنامەكێ واژوكەت بو نەبونا ئاریشێن یاسایی لسەر ترومبێلێ.2-بتنێ ترومبێلێن سالون و بارهەلگر ژ مودێلا سالا (2000 تا دوماهیك سێ مودێل ) دهێنە توماركرن و پێتڤی یە بەری بەروارا 1/5/2017 هاتبیتە دناڤ هەرێمێ دا و هەر سێ مودێلێن دوماهیێ ناهێنە توماركرن 3-ئەگەر ترومبێل پشتی بەروارا (1/5/2017) ژ هەرێمێ دەركەڤیت پێدڤی د ماوێ (7) روژان بهێتە ڤەگەراندن و ئەگەر نە ناهێتە توماركرن.4-ترومبێلین بیناسازی و یێن گشتوكالی ناهێنە توماركرن لدویف رێنمایان.5-باجێ گومركی دێ هێتە وەرگرتن لدویف رێنمایان دگەل كریا پشكنینێ و خەرجیێن كارگێری و سزایێ گیروبونێ دهێتە وەرگرتن بو هەر روژەكێ (3000) دینار ب مەرجەكی ژ (540000) دینارا زێدەتر نەبیت.6-پشتی بدوماهیك هاتنا مامەلێ نڤیسارەك بو رێڤەبەریا هاتن و چوونێ دهێتە ئاراستەكرن بو توماركرنا ترومبێلێ.
توماركرنا ترومبێلێن بێ بەلگەنامە.
بەلگەنامێن پێدڤی
1-داخازنامەك بهێتە پێشكێش كرن ژ بو رەزامەندیا توماركرنێ.2- ئامادەكرنا ترومبێلێ ژ بو ڤەدیتن لسەر بهێتە كرن و پێدڤی یە ب نڤیسار ژ رێڤەبەریا هاتن و چوونێ بو رێڤەبەریا مە بهێتە رەوانەكرن و دنڤیسارێ دا بهێتە دیاركرن كە ئەڤ ترومبێلە ل چ رێڤەبەریێن دیتر یێن هاتن و چوونێ نەهاتیە توماركرن.3-ئامادەكرنا ناسناما كەسایەتی یا كەسێ ترومبێل لسەر ناڤێ وی دهێتە توماركرن.
رێنمایێن توماركرنێ
1-ترومبێلێن سالون و بارهەلگر یێن دسەر مودیلا سالا (2000) ێ دا دهێنە توماركرن تا دوماهیك سێ مودێل و ئەو هەر سێ مودێلێن دوماهیێ نا هێنە تەماركرن.2-خودانێ ترومبێلێ پێدڤی یە سوزنامەكێ واژوبكەت بو نەبونا ئاریشێن یاسایێ لسەر ترومبێلێ.3-باجێ گومركی دێ هێتە وەرگرتن لدویف رێنمایان زێدەباری كریا پشكنینێ و خەرجیێن كارگێری .4-پشتی بدوماهیك هاتنا مامەلێ نڤیسارەك بو رێڤەبەریا هاتن و چوونێ دهێتە ئاراستەكرن بو توماركرنا ترومبێلێ.
نێرینا خۆ بنڤیسە (کۆمێنت)
کۆمێنتێن هاتیە کرن: