كومبوون

كومبوون
ل روژ پێنچ شەمبی رێكەڤتی (5/2/2015) ل دەم ژمێر (10ێ‌) سپێدێ‌ كومبوونا وەرزی یا رێڤەبەری دگەل فەرمانبەران ل هولا كوچكا رێڤەبەریا گومركا دهوكێ‌ هاتە بەستن. ول دەسپێكێ‌ رێڤەبەری ئاماژە دا رەوشا كوردستانێ‌ و دەڤەری و چەوانیا رووی ب رووی بوونا تیرورێ‌ ژ لایێ‌ پێشمەرگێن قەهرەمان و خوراگریا وان بۆ پاراستنا خاك و گەلێ‌ كوردستانێ‌ و رولێ‌ وان بلند هاتە نرخاندن. ئەڤ كومبوونە هەر سێ‌ هەیڤا جارەكێ‌ د هێتە كرن لدویف برگە (6) ژ پێرابوونێن ئارمانجا ژمارە (2) یا پلانا كارێ‌ رێڤەبەریێ‌ یا سالا (2015ێ‌)، ب مەرەما شیرەت كرنا فەرمانبەران و ئاراستە كرنا وان بۆ پێشكێش كرنا باشترین خزمەت بۆ هاولاتیان لدویف یاسا و رێنمایێن كاری و ب دلسوزی و دەستپاكی و رەفتارەكا ژ هەژی و بێ‌ گیروبوون. وئالیەكێ‌ دیتر یێ‌ ڤێ‌ كومبوونێ‌ بۆ گەنگەشەكرنا پێشهاتێن نوی هاتە تەرخانكرن و بۆ دەست نیشان كرنا كێماسی و شاشی و خالێن لاوازیێن د وەرزی دا پەیدا بووین و دووپاتی لسەر هاتە كرن دووبارەنەبن ، و چەندین بابەتێن دیتر یێن گرنگ ژلایێ‌ رێڤەبەری ڤە هاتنە روون كرن و شروڤە كرن . ودوپاتی لسەر پێگیری ب دەوامێ‌ و جهێ‌ كاری هاتە كرن و دەركەفتنا فەرمانبەران لدوماهیا دەوامێ‌. ول دوماهیێ‌ قەبارێ‌ كاری و چالاكیێن رێڤەبەریێ‌ یێن سالا (2014ێ‌) هاتنە بەرجاڤ كرن و بەراوردیا وان دگەل سالێن بوری و ئەگەرێن زێدەبوون و كێم بوونا وان. و كومبوون ب بەرسڤ دانا پرسیارێن فەرمانبەران بدوماهی هات.